***********************
***********************
ازيكم حبايبي عاملين ايه انهاردة بقي موضوع اكلتنا الحمام المحشي بالفريك باسهل طريقه يلا بقي نشوف المقادير//
*معانا جوزين حمام
*ربع كيلو فريك بلدي
*كبد وقوانص الحمام
*معلقة سمنة كبيرة
*بصلة كبيرة
*ملح
*فلفل اسود
*طريقه التحضير
هنغسل الحمام كويس جدا بالدقيق والملح
*هنجيب حلة ونحطها عالنار ونحط فيها معلقة السمنة والبصل هنقطعه صغير وبعدين نحمره شوية في السمنة لحد ما يوصل دهبي
* هننزل بالكبد والقوانص اللي قطعناهم صغير ونشوحهم شوية مع البصل
*هنرش الملح والفلفل
*هننزل بالفريك المغسول كويس اوي ومنقوع ساعه
*نقلبه كويس مع الكبد والقوانص
*وبعدين نغطي بكوب ماء
ونسيبه شويه لحد ما يبدأ يتشرب زي الارز
*هنهدي النار عليه لحد ما يستوي سوي كامل
ويفلفل كده
*واملي كويس لانه مش هيكبر تاني
*وكتفي من رجله عكس بعض
*او خيطي بالابره والخيط
*او اقفليه بالخلة
*ولفيه من فوق بالخيط
في حلة عالنار هنملاها ماية ونقطع فيها بصلة وحبهان وملح وفلفل ومكعب ماجي لحد مايغلو وننزل الحمام فيها
*مده سوي الحمام 30دقيقة بس مش اكتر
*وبس طلعي الحمام من الشوربة وحمري بحتة سمنة بلدي
رشي بالملح والفلفل الاسود
وبس كده
*يقدم مع البطاطس المحمرة أو الفريك المفلفل او صنية الرقاق بالحمة
***********************
إرسال تعليق